कॉफीचे थेंब...

-
लहानपणापासून आईने चहा प्यायाची सवय लावली. ती सवय आजतागायत तशीच... त्यामुळे  कॉफी वैगरे पिण्याच्या फंदात मी कधी फारसे पडलेच नाही. आणि मुळात म्हणजे कॉफी वैगरे म्हंटल म्हणजे हे सगळे मोठ्या लोकांचे चोचले असच वाटत राहायचं नेहमी..

     पण त्या दिवशी सकाळी अचानक आईने कॉफीचा मग समोर ठेवला आणि चहाची इतकी सवय लागली आहे कि आता त्या वासावरूनच कळलं कि आज रोजपेक्षा काहीतरी वेगळ आहे. म्हणून मी तो मग हाथात घेऊन पहिला तर त्यात वाफाळणारी कॉफी होती. सिगारेटचा धूर निघत असल्यासारखा गरम वाफा येत होत्या त्या कॉफीच्या मगमधून...


   मग मी देखील कॉफीचा मग बघून  आपला laptop काढला. आणि एका हाथात कॉफीचा मग आणि मांडीवर laptop घेऊन ऐटीत सोफ्यावर बसले.  काही वेळानंतर खट खट खट खटाखट खट बटनांच्या आवाजा सोबत टाईपिंगच्या वेगाने डूलणारा laptop आणि कॉफीच्या नशेत धुंद असल्यासारखी मी त्या क्षणी वावरत होते.
काहीतरी लिहण्याचा प्रयन्त करत होते. जे मनात येत होतं ते सगळ laptop च्या स्क्रीनवर उमटत होतं. त्या क्षणी माझ्या मनाचे प्रतिबिंब जणू त्या laptop ची स्क्रीनच बनली होती. आधी कधीही कॉफी न प्यायलेली मी त्या दिवशी कधी त्या कॉफी मगच्या अधीन गेले माझे मलाच कळले नाही...

    एक वेगळीच धुंदी, बाहेर आग ओकणारा सूर्य पण मनात सुखावणारा पाउस. असे चित्र त्यावेळेस होते. शांतता, laptop ची स्क्रीन आणि कॉफी मग यांचा उत्तम मेळ बसला होता त्या दिवशी आणि हे सगळ सुरु असताना आतून आवाज आला "झालं का गं"? मी क्षणार्धात भानावर आले तो आवाज आईचा होता..
      तो पर्यंत इथे laptop ने देखील क्षीणल्यासारखी मान टाकली. माझे हाथ तसेच त्या keyboard वर अन् कॉफी मगच्या कडेवरून कडेलोट झाल्यासारखे ओघळणारे कॉफीचे ते दोन थेंब....
#Coffy #love #Tea #movie

Comments

Post a Comment

Popular posts from this blog

मृगजळ आणि त्याचे वयानुसार बदलते अर्थ

-
Image
लहानपणी मृगजळ म्हणजे बालभारतीच्या पुस्तकातील वाळवंट आणि मृगजळाच्या आशेमागे धावणारी ती हरीण . एवढाच काय तो त्या मृगजळाचा अर्थ माहित. त्यात आपण सगळे ठरलो मुंबईतले. आणि मुंबई म्हणजे आजकाल तर पावसाचे चार महिने सोडले तरी वर्षभर हा पाऊसच असतो . त्यामुळे वाळवंट फक्त आपल्याला चित्रपटापुरतच काय ते ठाऊक . कारण जिथे  वाळवंट माहित नाही तिथे मृगजळ समजणे थोड अवघड जाणारच . पण जसे जसे मोठे होत गेलो तस तसे नव्याने मृगजळाचा अर्थ उलघडत गेला .          मृगजळ म्हणेज भास , आभास. मग थोड मागे गेल्यावर अस कळलं कि ; लहानपणी बाबा परीक्षेत चांगले गुण मिळाल्यावर एखादी नवीन गोष्ट घेऊन देणार असे Promise करायचे आणि ती वस्तू यायच्या आधीच त्या वस्तूविषयीचे भास हे सतत होत रहायचे. आणि मग ती वस्तू मिळवण्यासाठी खूप अभ्यास करायचा आणि त्या पुस्तकातल्या हरणासारखं त्या मृगजळा परी भासणाऱ्या वस्तूमागे धावत राहायचं..     मग थोड मोठं झाल्यावर म्हणजेच कॉलेजमद्ये आल्यावर मृगजळाचा अर्थ नव्याने कळू लागला . कॉलेज म्हणजे सळसळणार रक्त , मनात एक प्रचंड उर्जा आणि काहीतरी करून दा...
Read more

शुभ मंगल "सावधान"

-
Image
डोक्यावर अक्षता पडण्याच्या वेळी म्हटलं जाणारं शुभ मंगल सावधान का म्हटलं  जातं. ' सावधान म्हणजे पुढे धोका आहे जाऊ नये हा असाच असतो.   एकप्रकारचा तो ईशारा असतो. तरीही आंतरपाटाच्या दोन बाजूंना असणारे ते दोघेही भटजींचा हा मंत्र अगदी हसतमुख रित्या ऐकत असतात . भटजी जणू   शक्य तितक्या कठोर , रुक्ष , मोठ्या स्वरात ' सावधान ' उच्चारून   ईशारादेत असतो. पण त्या दोन व्यक्तींना आनंदाच्या आणि कौतुकाच्या माहोल मध्ये काही समजून येत नाही. आणि नकळत ते दोघेही   हव्या हव्याश्या वाटणाऱ्या No Entry मध्ये प्रवेश करतात .      सुरवातीला सगळं छान अगदी मराठी चित्रपटातात दाखवतात ना तसं नजर लागण्याजोगं. पण जस चिंगम चघळून त्याची साखर संपून जाते त्याप्रमाणे नवीन लग्नसराई जुनी होत गेली कि तिच्यातली गोडी कधी हवेत विरून जाते त्या दोघांनाही   कळतं नाही मग रोमियोचा होतो   हिटलर आणि त्या ज्युलीएट ची होते दुधारी.   तेव्हा त्या तेव्हा त्या दोघांनाही आठवतो भटजीने म्हटलेला तो मंत्र “ शुभ मंगल सावधान ”            तुझ्या...
Read more

वृत्तपत्रांमध्ये जाहिरातींचा बोलबाला

-
Image
वृत्तपत्र हे एका आरशापेक्षा कमी नसते. जगातील कानाकोप-या पासुनची इतंभूत माहिती यामध्ये वाचायला मिळते. म्हणूनच या माध्यमाला समाजाचा आरसा असे म्हटले जाते. या माध्यमाध्ये ईतर माध्यमांपेक्षा समाज बदलण्याची जास्त ताकद असते. पूर्वी एकच वृत्तपत्र एकाच जागी वाचायला मिळे, परंतु आत्ता जेवढ्या भाषा तेवढी वृत्तपत्रे अशी परिस्थिती पाहायाला मिळते. प्नादेशिक आणि इंग्रजी भाषेतील वृत्तपत्रे जागरुक व चोखंदळ वाचक वाचताना दिसू न येतात.   सध्या अनेक भाषांतील वृत्तपत्र असल्याची आपल्याला दिसून येतात. आणि या वृत्तपत्राचा वाचक वर्ग देझील वेगवेगळा असतो. आपला वाचगवर्ग टिकवून ठेवण्यासाठी किंवा आपल्या वृत्तपत्राकडे जास्ती जास्त वाचकवर्ग खेचण्यासाठी पत्रकाराला नाना प्नकारचे प्नयत्न करावे लागताता. त्यातील एक म्हणजे जाहिराती.. पूर्वी वृत्तपत्रामध्ये एखाद दुसरी जाहिरात असायची परंतु सध्या काळात संपूर्ण पानभर जाहिराती देण्याचा ट्रेंड सुरु आहे. वृत्तपत्राच्या खपासाठी जाहिरातींवा घेतलेल्या आधाराचा काही वेळेला अतिरेक होताना दिसतो. जाहिरातींमुळेच वृत्तपत्राच्या पानांची संख्या अवाचा थवा होऊन जाते. जाहिरातींचे कॉल्मस ...
Read more